Alibaba Cloud-ის ენობრივი მოდელების ოჯახი
Qwen (ჩინურად Tongyi Qianwen) არის Alibaba Cloud-ის მიერ შექმნილი ენობრივი მოდელების ოჯახი. მოდელების უმეტესობა ღია წონებით ქვეყნდება, ამიტომ Qwen ღია კოდის საზოგადოებაში ერთ-ერთი ყველაზე პოპულარული საწყისი მოდელია.
5 მთავარი ფაქტი
- Qwen-ს Alibaba Cloud ქმნის.
- პირველი ვერსიის ბეტა 2023 წლის აპრილში გამოვიდა.
- 2023 წლის დეკემბერში 72 მილიარდი პარამეტრის მოდელის წონები გამოქვეყნდა.
- ბოლო თაობა Qwen3.8-ია.
- მოდელების ნაწილი Apache-ის ლიცენზიით ვრცელდება.
ისტორია
Qwen-ის პირველი ვერსია 2023 წლის აპრილში ბეტა რეჟიმში გამოვიდა, იმავე წლის დეკემბერში კი Alibaba-მ 72 მილიარდი პარამეტრის მოდელის წონები გამოაქვეყნა.
მას შემდეგ Qwen-ის ოჯახი სწრაფად გაიზარდა: გამოვიდა მცირე და დიდი ენობრივი მოდელები, მულტიმოდალური, სურათების გენერაციისა და პროგრამირების მოდელები. ღია ლიცენზიების გამო Qwen-ის მოდელები ხშირად გამოიყენება სხვა მოდელების დასაფაინთიუნებლად.
მთავარი პროდუქტები და მოდელები
ბოლო თაობის, Qwen3.8-ის ყველაზე დიდი მოდელი 2,4 ტრილიონ პარამეტრს შეიცავს, ხოლო მისი მცირე ვერსია, Qwen3.8 27B, Apache-ის ლიცენზიით გამოქვეყნდა. Qwen-ს ჩინეთში Apple Intelligence-იც იყენებს.
სტატიები ამ თემაზე: მოდელების სიახლეები.
გადმოწერა
Qwen-ის ბევრი მოდელის წონა ღიაა. გადმოწერე მხოლოდ ოფიციალური ანგარიშებიდან და გამოყენებამდე მოდელის ლიცენზია წაიკითხე.
ყველა AI კომპანია: AI კომპანიები. ასევე ნახეთ: AI ლიდერები.